أهلا وسهلا بكم

مـدونـةvetmasrawy .هـتـلاقـي فـيـها كل مايـخـص طــب بـيطـري

أجــدد الـكـورسات والفيـديـوهات الخاصة بـطـب بـيــطري .

تغذية RSS الخاصة بنا

لكل دكتورة بيطرية_ليه لازم تتجوزي دكتور بيطري

    • ليه لازم تتجوزي دكتور بيطرى ....؟؟؟؟!!!


      قلنا نكتب ده لبنات طب بيطرى كرد بسيط عليهم
      وده يعتبر

      "GUIDE "

      ليكم وانتوا بتختاروا عريس المستقبل
      ليه لازم تتجوزي دكتور بيطرى ....؟؟؟؟!!!
      بصي يا بنتي





      أولا ...
      بما انك اخترتي تكوني دكتوره بيطرية.. يبقي معندكيش أوبشنز تانيه .. يعني مش معقولة هتروحى تشتغلى فى الفيلد وتعالجى جمايس و حمير .. ولا حتى هتشتغلى مندوبة ادوية ويطلع عينك طول النهار فى المشاوير .. ولربما تقعدى فى البيت وكان الله بالسر عليم اصلا.. اصل شكلك هيبقى وحش اوى قدام جوزك ..
      فانتى هتاخديها من قاصرها و هتانتخى وهتقعدى فى البيت ومش بعيد جوزك كل يوم يصطبح بوشك ,
      فاحتمال شبه مؤكد انه هيزهق ومش بعيد يطفش , أو يبص بره ,

      يبقي مقدامكيش غير حل واحد .. تتجوزي دكتور بيطرى زيك وساعتها لا تعايرني ولا أعايرك .. هتسألي السؤال المنطقي .. يعنى دخلت بيطرى واتجوز دكتور بيطرى ده ايه الغلب ده يا ربى ؟؟!!!
      هقولك الاجابه المنطقيه ..ربنا كتبهولك .. الجواز زي ما انتى عارفه قسمه ونصيب
      بعدين ما انتى عارفه ان البيطري للبيطرية
      معظم ( قصص الحب الاسطورية البيطرية ) بتقول كده ؟؟!!!

      ثانيا بقي ...
      شئتي أم أبيتي .. انتي اتحولتي .. اه مش باين عليكي دلوقتي .. بس صدقيني كلها سنه أو اتنين وهتظهر أعراض التحول .. طب ايه هي الأعراض دي؟!!
      بسيطه جدا .. هتلاقي نفسك بقيتي رخيمه ودمك يلطش وهزارك محدش بيضحك عليه
      يعني مثلا في قعدة صفا بيقولك انتي لو دخلتي جوه قلبي هتلاقيكي معششه جوه
      تقومي تردي عليه بسخافه وتقوليه ليه هو أنت شايفنى فرخه
      هههههههههههه

      وطبعا مش عايزه أقولك لو جوزك ( مش دكتور بيطرى ) مش بعيد تتطلقي في حركه زي دي
      ولو برضه دكتور بيطرى متضمنيش :D:D
      ( انتى عارفه الدكاترة البيطرين بيبقوا حسساين اوى فى الحاجات اللى زى دى )

      ثالثا بقي ..
      عندك صحباتك مضايقينك؟؟
      نفسك تغيظيهم ؟؟

      مش محتاجه غير انك توريهم صورة جوزك وهوه بيكشف ع الجاموسه او بيعملها
      " palpation " مثلاً
      ( ثبت علميا ان الصوره دي بتخلي البنات تدوخ متعرفيش ليه )
      وطبعا شوية كلام عن مغامراته في المجازر .. و العمليات العبقرية اللى بيعملها للحيوانات .. وتعيشيهم دور احمد السقا فى فيلم افريكانو و جو النمور و الاسود بقه
      ( مع العلم انه اخره بهيج طير أنت ) :D

      رابعا ...
      ده واحد كان دحييييييح .. عارفه يعني ايه دحيييييييح ؟؟

      "هوه بس فى الثانوية العامه كان بيستهبل بس دخل الكلية علمته الادب من اول و جديد"

      يعنى متعاملش مع بنات ولا حتي يعرف شكلهم ايه
      ده غير الاحتياج العاطفي الشديد اللي عنده
      من الأخر يعني .. مش هتبقي مقلقه
      مش هيحطك في مقارنه مع حد
      لأن الست الوحيده اللي كانت في حياته قبل ما يعرف سيادتك
      كانت امه

      خامسا ...
      جبر الخواطر علي الله يا شيخه
      يعني مش كفايه الكليه واللي عملته فيهم ؟؟
      هتبقوا انتوا كمان عليهم ؟؟
      الناس دي محتاجه
      support
      نفسي جامد

      وبما أنكم أكتر ناس حاسين بمعاناتهم
      يبقي أنتوا اللي لازم تقفوا جنبهم
      وأهو كله بثوابه :):):)
      ويا بخت من لم شمل تعيس بتعيسه :)
      ده احنا طيبين اوووى




      written By Modtafa salim
      third year

      ياريت تقيم الموضوع
       " لو تمتعت بهذه المقالة ... اشترك في تغذية RSS الخاصة بنا "

1 التعليقات:

halawavet said...

ههههههههههههههههههههههه ان شاء الله

Post a Comment