أهلا وسهلا بكم

مـدونـةvetmasrawy .هـتـلاقـي فـيـها كل مايـخـص طــب بـيطـري

أجــدد الـكـورسات والفيـديـوهات الخاصة بـطـب بـيــطري .

تغذية RSS الخاصة بنا

زي ماقالوا الناس زمان

زي ماقالوا الناس زمان


يحكى أن وكان ياما كان
هبتدي حكايتي الطويله ,, من أول التنسيق مابان

وعرفت إني خلاص هكون ,, طالب من طلبة بيطري
حطيت إيدي على خدي ,, وشلت الهم من بدري




ورجعت تاني لعقلي,, وقلت يمكن يبقى خير
رحت أول يوم بدري ,, عايز أجري أو أطير

ماهي كليتي عملي ,, لازم أبقى في الميعاد
لاينفع اسيب محاضرة ,, ولا اقول السكشن فات

دخلت المدرج بجري وقعدت قدام الدكتور
دكتور شكله عالم وكلامه يقول انه وقور

ابتدى المحاضرة وقال ,, ده تشريح,, قلت تمام
مانا ياما حكولي عنه .. وقالوا عنه احلى كلام

فضلت قاعد ومركز يمكن افهم المكتوب
ولا حاجه دخلت عقلي وقلت انا المعيوب

جيت اسال اللي جنبي لاقيت صاحبنا نايم
لابيرد ولا بينطق وفي الاحلام عايم
ركزت تاني , ودني لقطت كلمتين
ورسمه رايحه ورسمه جايه ,, وامتحان ورقه بوشين
والسؤال طويل عريض يادوب يتحل ف ساعتين

جينا ندرس الهستولوجي يعني ايه؟ الله اعلم !

عمري ماسمعت عنه ولا حتى وانا نايم بحلم
جبت كتابي ومعاه الالوان
وقعدت ارسم تقولوش فنان
وأخيرا يجي الامتحان فوق اي احتمال

نيجي بقه ع السلوكيات
بافلو ودوج ودونكي وكات
وافضل اذاكر فيها ساعات
ويوم الامتحان زي المعتاد
مش هحكي بقه اللي فات مات

ودرست الكيميا الحيوية ,, وما احلاها عيشة الحريه
سايكل ومعادلات ومفيش معلومة في دماغي تبات

والفسيولوجي جهاز هضمي وجهاز دوري
وفوقيهم دوخة,, وصداع فوري

والنهاية المعهودة .. امتحان آخر موضة

والفارما حبيبة الكل مادة حلوة وزي الفل
طول السنه بذاكرها وآخر السنه ماابقاش فاكرها

والبارا ازاي انساها ,, دي ناموس وديدان مااحلاها
وانا رسمي فيها أستاذ أستاهل الامتياز

والباثولوجي مش هحكي عليه
مهما اذاكره مااحلش فيه

وفوق ده كله في السكاشن مطحونين
نصحى الصبح نشم فورمالين
ونروح بيتنا زي المقتولين

وآخرة كل ده إيه... قاعد في البيت بيه

مستني وظيفة تجيله.. أوشركة تحن عليه


written by semsema
fourth year

ياريت تقيم الموضوع
 " لو تمتعت بهذه المقالة ... اشترك في تغذية RSS الخاصة بنا "

0 التعليقات:

Post a Comment